Söýgi pursatlary

Şahyr Agageldi Allanazarowyň "Söýgi pursatlary" atly bu ýygyndysy onuň döreden goşgular toplumlaryny özünde jemleýär. Adyndan hem belli bolşy ýaly, ýygyndynyň esasy bölegini söýgi hakyndaky goşgular tutýar. Mukaddes türkmen topragy, onuň geçmişi, şu günki güni, geljegi hakyndaky pikirler ýygyndyda öz mynasyp beýanyny tapypdyr. Tutuş kitabyň süňňi şahyryň öz häsiýetine mahsus bolan ýürekdeşlige,açyklyga, millilige ýugrulypdyr.