Okasym gelýän goşgular

Özgeler-ä bilemok welin, meniň-ä göwnümiň käte delje bir lukma isleýşi ýaly, onuň mahal-mahal şygyr küýsegi-de bolýar.
Munça şygyr bolçulygynda ony tapmak kyn bolmaýjagam ýalydyram welin, ýöne meniň-ä hut şol pursatda ol küýsegli goşgyny tapmaýan wagtymam az bolmaýar. Şeýle bolanda okasym gelýän şol goşgyny meniň özüm döretmäge çalyşýaryn.
Ine, indi görüp otursam, şeýlelik bilenem, meniň dürli döwürlerde döreden ol goşgularym uly bir kitap bolupdyr. Okasym gelip döreden şol goşgularymy bir ýere jemläp, ony Siziň dykgatyňyza hödürlemegi makul bildim. Belki, olaryň arasyndan Sizem öz okasyňyz gelýän goşgularyňyzy taparsyňyz.