Молитвы составленные в заключении

Серафим Звездинский

В данной книге собраны молитвы священномученика Серафима (Звездинского), составленные в заключении. Сщмч. Серафим пр написал следующие молитвословия: «Покаянный плач», «Акафист Господу Иисусу Христу Терноносному и Крестоносному (написан в Бутырской тюрьме). Акафист Господу Иисусу Христу, Искупителю и Спасителю грешных, Сладчайшему, в нашествии горчайших искушений и страстей», «Канон «Мати Милосердная, не отрини, приими, прости, благослови», «Канон Владычице Пресвятой Богородице, поемый в безнадежии», «Акафист Животворящему Кресту», «Акафист святой мироносице Фамари Блаженной». Новомученние св. Серафим Звездинский родился в 1883 г., после своего чудесного исцеления по молитве к св. Серафиму Саровскому, принял в 1908 г., монашеский постриг С 1912 г., преподаватель Московской духовной семинарии, с 1914 г., архимандрит, в 1920 г. хиротонисан во епископа Дмитровского, викария Московской епархии. В советские времена подвергался гонениями и ссылкам. Неоднократно арестовывался за проповедование веры, был приговорен к расстрелу. В августе 2000 года на юбилейном Архиерейском соборе был канонизирован в лике новомучеников Российских.

Серафим Звездинский

Молитвы, составленные в заключении

Кондак 1

Возбранный Воеводо и Господи Иисусе Христе, Сыне Бога Живаго, мене, грехом умерщвленнаго, мене, тьмою страстей помраченнаго, просветити и оживити хотя, приклонив небеса, снизшел еси ко мне даже до смерти, смерти же крестныя. Пред сим неисповедимым величием любви Твоея Божественныя преклонялся, пред Крестом Твоим Честным, потоками Животочныя Крови Твоея изобильно напоенном, ниц распростирался, со благодарением многим, со умилением теплым, с молением слезным, с сердцем горящим, вопию Ти песнь сицевую, мольбу Ти приношу таковую: Господи Иисусе Христе, Сыне Божий, в несении креста спасительнаго, десницею Твоею мне низпосланнаго, укрепи мя, в конец изнемогающаго.

Икос 1

Ангелов Творче и Господи Сил, Ангел предста Ти, в саду Гефсиманстем, укрепляя и утешая Тя, егда бремя тяжкое грехов моих толико отяготе на рамех Твоих, яко скорбети Ти зело и ужасатися. В сию скорбь Твою Гефсиманскую со благоговением, со страхом и трепетом великим проникая, от души взываю Ти сице:

Господи мой, Господи, учеником Твоим в скорби рекий: «Молитеся, да не внидите в напасть», – се найде на мя напасть велия, се постиже мя скорбь лютая, молитвою неотступною удержи мя, молю, от отчаяния, молитвою слезною удержи мя, прошу, от роптания. / Иисусе мой, Сладчайший Иисусе, Петра и обоих сынов Зеведеевых, Иакова и Иоанна, в глубь Гефсимании взявый с Собою, да будут свидетелями вопля Твоего крепкаго, воздыханий неизглаголанных, слез молитвенных, возьми и мя, люто страждуща ныне, с Собою и соделай созерцателем честных страданий Твоих, да своя страдания с терпением перенесу аз малодушный. / Христе мой, Пресладкий Христе, в Гефсиманстей веси скорбевший, ужасавшийся и туживший, призри на мя, яко скорблю, яко ужасаюся, яко тужу; скоро услыши мя, вонми души моей и избави ю от туги сея горчайшия. / Сыне Божий Единородный, носяй всяческая глаголом силы Своея, в молитве за грехи моя падый лицем Своим Пречистым на самую землю, подыми мя падшаго, воззови долу поникшаго. / Господи Иисусе Христе, Сыне Божий, в несении креста спасительнаго, десницею Твоею мне низпосланнаго, укрепи мя, в конец изнемогающаго.

Кондак 2

Вижду Тя, Господи Боже мой, в вертоград Гефсиманский вшедшаго, на вержение камня от апостол отошедшаго, вижду, о Спасителю мой, колена преклоньшаго, молящагося, и со удивлением благоговейным вопию Ти: Аллилуиа.

Икос 2

Разум изумевает пред глубиною богатства премудрости и разума Твоего, Боже Спасителю мой: воистину неиспытаны суды Твои и неизследованы пути Твои в деле спасения падшаго человека. Темже взываю Ти, Благодетелю моему, гласом мольбы сицевыя:

Господи мой, Господи, в молитве Отцу Твоему сице воззвавый: «Отче Мой, мимо неси от Мене чашу сию», – се, припадая Tи, молюся аз, во искушении тяжцем сый: умилосердися надо мною, мимо неси от мене чашу испытаний моих, да вера моя