Мороох куобахчаан

Күһүн балаҕан ыйын ортото, хойуу сэппэрээк быыһыгар, убайдарын-эдьиийдэрин кытары биһиги кэпсээммит сүрүн дьоруойа – куобахчаан күн сирин көрбүт. Кини саамай мэниктэрэ уонна истигэнэ суохтара да буоллар, сытыы харахтардаах, чуор кулгаахтаах уонна сыыдам сырыылаах эбит.

Бу остуоруйаҕа кыракый куобах, ыллыгын тыал тибэн, мунан хаалар. Мороох барахсан дьиэтигэр кыайан төҥнүө дуо?

Куобахчаан мүччүргэннээх сырыыларын туһунан кэпсээммин кырачаан оҕолорго аныыбын. Ыксаллаах быһыы охсуулаах буолуон сөбүн уонна төрөппүттэри истэр наадалааҕын өйдөтөр сыаллаах остуоруйа. Бу бастыкы, төрөөбүт тылбынан суруйбут, айамньым буолар. Куобах Саха сиригэр саас төрүүрүн бары билэҕит, ол гынан баран, мин айамньыбар Мороох күһүн күн сирин көрбүт диэн суруйдум. Бу саҥа дьыллааҕы остуоруйа буоларын быһыытынан, куобах оҕо буоларын бэлиэтээрибин. Аны туран, куобах кыһын хороонномокко, хаар анныгар киирэн утуйар эбит. Мин айамньым баара-суоҕа остуоруйа буолар. Күндү ааҕааччы, дьүүлүүмэ дуу, сэргээн аах!